أما شو قصيدة شغلة

بحبك حب مش مألوف

لا بينكتب ولا بيتعبى بظروف

بحبك متل عامود مأروف

بحبك تكوني فصة وكون أنا الخاروف

بحبك تكوني سلق وكون أنا الملفوف

بحبك تكوني فئيرة وكون أنا المنتوف

بحبك تكوني ليرة ومعي منك ألوف

بحبك تكوني جيبي وكون أنا المصروف

بحبك تكوني كمبيوتر وكون أنا الكي بورد والحروف

بحبك تكوني أصالة وكون أنا الوسوف

بحبك تكوني طابي وكون أنا بيرهوف

بحبك عاأد محبة القطة للفارة

بحبك متل محبة الدولاب للسيارة

بحبك متل شرطي السير ما بيحب الصفارة

بحبك محبة الجزرة للبشارة

بحب عيونك اللي بلون الخيارة

بحب تمك اللي أكبر من السحارة

بحب طولك وفشرت السيكارة

بحب صوتك اللي بيصرع الحارة

دقات ألبي متل ورشة نجارة

بس انتي الكهربا والخشب والبسمار والبرغي والدئارة

انتي العمش بعيوني المحتارة

يا كبريتت حياتي العود بسمتك ونظرتك النارة

إن مت بتكوني السبب وإن ما متت ان شاالله ترفسني شي حمارة

هههههه
هي تاليفك صح

Kenan كتب:هههههه
هي تاليفك صح

لا والله انا بكتب قصائد بس مو بهاد المستوى له يا كنان ههههههههههه

له انا يلي بعرف قصائدك
عم امزح ولو

Kenan كتب:له انا يلي بعرف قصائدك
عم امزح ولو

اي بعرف انك عم تمزح وقبولة منك بس لا تعيدا مشان ما ازعل منك

لا كلو الا زعلك

[quote="Kenan"]لا كلو الا زعلك[/


quot


طيب اذا كلو إلا زعلي مالح ازعل لكن

قصيدة روعة للمألسة على اللي بيلطشوا بنات

عنجد حلوة كتير و يسلمو يا ( هيوش )

ههههههه مهضومة هالقصيدة

ميرسي لمروركن قتيبة ونور الدين وسارة