العقل هو كل شيئ

شو السبب ياترى؟؟ ليش نحن متخلفين ؟؟؟
ليش الجهل والفقر منتشر عنا بشكل كبير؟؟ شو التفسير؟؟؟
ليش نحن دائما اكلين هوا بكلشي؟؟ ليش ماعنا شي نبدع فيلو؟؟
طبعا الأسئلة تطول....بس شو جوابها؟؟؟

الجواب هو نحن....
مافي شي اسمو مؤامرة وأصلا ماحدا شايلنا ومعبرنا...وعشو بدون يتامروا علينا؟؟؟ ليش نحن بالذات يعني؟؟
عدم المؤاخذة متخلفين من جميع النواحي العلمية والفنية والاقتصادية ووو....الخ
مافي شي عنا خرج الواحد يطلع عليه....فعلى شو هنن متامرين علينا؟؟

ياشباب بصراحة سبب هالشي هو اهمالنا للعقل وخوفنا وجبننا...
وايمانا بثقافة التسليم ووراثة العادات المتخلفة من اباءنا وأجدادنا...واهمالنا للعقل نهائيا
خلينا نواجه الحقيقة ولو مرة بس...أوروبا ما اتقدمت الا بعد ماضحت كتير...لازم نضحي
يعني اذا ماعشنا هالحياة ايمتا بدنا نعيش ووين؟؟
لازم بئا نفيق...ونحارب الجهل ونستعمل عقلنا ولانخاف...
العقل هو كلشي وهو يلي لح يوصلنا لهدفنا...لازم نتخذ خطوات جريئة ونوقف بوش التخلف ونقلع جذوره...
لازم ننتبه من هدول الدجالين يلي اسمن علماء الدين لأن هنن السبب الأساس لهلحياة المزرية يلي عم نعيشها...ولانخاف منن ولايهمنا شي..انشالله لو نزلوا فينا سب ولعن ووعيد بجهنم...
لاتخافوا...أوروبا ماخلصت من ظلمة العصور الوسطى الا وقت قضت على حكم علماء الدين وكلكن بيعرف هالشي...
أنا ماعم ادعو لمحاربة الدين...أنا عم ادعو لمحاربة الجهل والتخلف..
وصدقوني بغير العقل مامنوصل
شو رأيكن عم بحكي شي غلط؟؟

حلو حكيك خالد بس انا الي وجهة نظر مختلفة بالنسبة للمؤامرة
انا برأيي هل قتل وتخريب وقلة الحيا يلي صارت عند بعض الناس
وراها دعم من اعداء سوريا وطبعا هل شي مخططلو من زمان
وما حدا بيقدر يقول هاد مو مؤامرة لأن بالتأكيد هو غلطان
وكمان انت عم تقول نحنا متخلفين من جميع النواحي
العلمية والثقافية والاقتصادية !!
معلش سمحلي علّق ع كلامك .. نحنا مش هيك خالد
مظبوط عنا تخلف وفساد بس مو بجميع طبقات المجتمع
التخلف يلي عم تحكي عنو موجود بمناطق محدودة
بالعكس المجتمع السوري عم يتطور اكتر واكتر
والوعي كل يوم عم ينتشر .. ومستوى الوعي عنا واسع بسوريا
ولو ما عنا وعي كانت انتهت سوريا من زمان

وكمان بالنسبة للفقر والجهل يلي حكيت عنهم
عنا العلم منتشر بجميع انحاء سوريا ونسبة المثقفين عالية
حتى بالارياف العلم موجود وبصورة كتير حلوة وشاملة
اما الفقر اكيد موجود ومو بس بسوريا بجميع انحاء العالم
حتى بالدول العظمى في فقر وبشكل كبير كتييييير
مثلا اميركا !! الفقر موجود بشكل مو طبيعي
والبطالة موجودة والتخلف موجود !!
خلينا بالوطن العربي ..مو السعودية على اساس دولة الغنى والترف؟؟ روح شوف نسبة الفقر الموجودة هونيك
بس عنا بسوريا المشكلة الأكبر هية الكسل
كسل بعض المواطنين السوريين واهمالهن
الوظائف بالدولة موجودة ورواتب مقبولة
وبالشركات الخاصة موجود وظايف وبرواتب عالية
بس يلي ما بدو يدرس ويشتغل بكون عم يظلم حالو
واكيد الدولة مالح تصرف عليه هو وببيتو !!

انا بوافقك الرأي انو عقلنا هو الاساس
ونحنا لازم نعمّر حياتنا بأيدنا

اما بالنسبة للأمور السياسية والمؤامرات وهل امور هي
في حكي كتير اذا بدي احكي ما بخلص لبكرا

بس خالد ما بتقدر تقول مافي مؤامرة وما عنا شي حتى يشيلونا من ارضنا !!
وبدي اعطيك سبب رئيسي للمؤامرة
انو بلدنا بتدعم المقاومة وواقفة ضد اسرائيل
ورافضة تكون حليفة لأي عنصر من عناصر الصهاينة

بظن هاد سبب من اهم الاسباب يلي بتعرضنا للاستهداف والمؤامرات الخارجية

سوري طولت بالحكي بس هي بلدي وانا بفتخر فيها
وحتى اذا كانت سيئة متل ما كتير من العالم عم تدعي هل الشي
وطبعا سوريا بنظري وبنظر الملايين من شعوب العالم دولة كتير منيحة وعل مختلف الأصعدة
بس عندي كلمة وحدة وما بتراجع عنها:

انا بنت خلقت و عشت بسوريا وشربت من مية الشام وتنفست من هوا الشام
وتعلمت وكبرت ووووو بأحضان الشام
عندي شي بيمشي بدمي هو انتمائي الروحي والعقلي والوطني والفطري لسوريا
سوريا بلدي.. وبشار قائدي .. والحكومة والجيش هنن اهلي واخواتي .. والقانون فوق راسي
وما حدا فوق القانون ويلي بدو يغلط ويتمادى
بنظري ما بينتمي لهل بلد
ويلي مو عاجبتو العيشة بسوريا
ويلي مو حابب قائدنا وسيد راسنا
ويلي عم يتهم الجيش بأشيا ما عم يعملها
ويلي بدو يعتدي عالجيش والامن ويغدر فيه وووو
الله معو وسوريا مو متعطلة عليه..
اذا ملاقي بلد احسن من بلدو يطلع يعيش فيها

كلام حلو...
بس بدي اسألك...أنت مقتنعة بكل كلمة عم تحكيا؟
يعني معليش نحن عنا مخ ومنعرف نفكر ومالنا هبلان
معقول كل الكرة الأرضية متآمرة علينا؟ هالمؤامرة مو فايتة لمخي أبدا...معقول 6 مليارات من البشر كلن أشرار؟
بس بصراحة الشي راجع الكن وكل واحد بيعرف الصح...بس بدي شغلة أنكن تقروا شوي عن العصور الوسطى بأوروبا...وتإيمو هالخوف من بالكن
القرار الكن والظروف مالها منعكسة غير عليكن
وتذكروا أنو العقل هو كلشي

لك يا ابو الخل يا عيني فهام عليي
اولاً مين قال انو في خوف؟؟
وتانياً طبعاً مقتنعة بكل حرف عم احكيه
بعدين ليش حتى ما يكون في هل كمّ الهائل من البشر اشرار ؟؟!!
مو انت بالذات بتعرف انو كل الدنيا مصالح وكلا نفسيات
بعدين خالد معقول انت مصدق العالم الخارجي وما عم تصدق شو عم يصير جوا البلد؟؟
ليش ما عم يصير شي ادام عيونك ؟؟
مالك عايش بسوريا وبتعرف كيف عايشين؟
هلأ امانة اذا واحد ما كان حشاش او حرامي او نصاب او عامل شي شغلة مخالفة للآداب والقوانين حدا بقرب عليه من الدولة؟؟؟
او بفوت عالسجن من دون سبب؟؟
انت اذا ماشي صح حدا بيعترض طريقك او بقلك وينك؟؟
اذا عنا البنت ماشية بالطريق حدا بيتداخل فيها؟؟
اذا ما في شي غلط بحياتك بتتعرض لمواجهات مع الحكومة؟؟
شو يعني لسا بقولو الجيش اعتدا .. وقتل ..وسرق ..ونهب ...واغتصب ..وحرق ..وخرّب!!!
هلأ انت مصدق هل حكي ؟؟
شو مو شايفين شو عم يصير ؟؟
بعدين طالما ما بدهن الرئيس ليش الكل انتخبوه وقت كانت الانتخابات وما صار يلي هلأ عم يصير
ولنفرض انو عنجد ما اعتمدوا عالانتخاب والدولة حطتو متل ما عم يقولو بعض الناس ... ليش ما صار شي من وقتا؟؟
ليش ضلو ساكتين لهلأ ؟؟
ليكن وقحين وعم يقللو ادب بالمظاهرات ويسبو الرئيس ويحكو حكي خارج عن قواعد الادب والاخلاق
يعني مو موجود الخوف اذا بدن يقولو كانو خايفين وهلأ تجرأو يحكو !!
ولسا بدن يتهمو الجيش بتعرف ليه ؟؟؟
كل هاد مشان ينزعو اسم البلد
وينزعو الاقتصاد والسياحة والعلاقات الدولية ويخربوا الصداقات بينا وبين البلدان التانية ووووووو
وبالنهاية هدفهن انو ما نكون معارضين الهن وعم يعملو هيك حتى ما يكون النا حلفاء
وعم تقول مو مؤامرة !!!

والله اذا بدي احكي ما بخلص بس تعبت من هل قصة
لان وين ما رحت بنفس القصة
برجع بقول بشار قائدي.. والقانون فوق راسي
وسوريا بلدي وبلدك وبلد كل مواطن فيها
برأيي حاج بقى ..جد يلي مو عاجبو الله معو