سيرة ذاتية عن عامل مطعم فلافل درجة أولى...

قدم عامل مطعم هذه السيرة الذاتية عن نفسه وعن بدايته من الصفر وحتى وصل إلى ما وصل إليه من إنجازات فلافلية معتبرة .. نعرضها هنا بسرية تامة ..
الاسم : نافع سعيد الشطة أبو الخل
التخصص : معلم فلافل درجة أولى
الخبرة العملية : سنة خبرة هش ذبان ومسح طاولات , سنتين خبرة جلي صحون , سنة خبرة تجهيز طاولات وتقديم طعام , خبرة لف ساندويشات فلافل , ثلاث سنوات معلم فلافل وما زلت بلف لليوم
الدورات المتخصصة
خبرة أراجيل لمدة ثلاث أيام معرفه تامة بجميع أنواع المعسل
دورة قلي كل أنواع المقالي وسلق كل أنواع الحبوب
دورة لف سندويشات عادية أو سوبر- عشر سندويشات بالدقيقة
دورة عمل حمص وفول بصحون 35 ، 50 ، 70 ليرة , وصحون من الدار
دورات متعددة متبل ، مسبحة ، شكشوكة
دورة تجهيز خلطة الفلافل والرمي على الصاج خمسين حبة أو أكثر بالدقيقة
دورة قلي فلافل بزيت جديد أو عتيق
دورة لقط الفلافل بالشوكة وفعصها بالسندويش
دورة تعامل مع زباين مش عاجبهم الأكل بدون صياح ومد أيدين
دورة عن تأثير عرق معلم الفلافل على الزيت
دورة كيف ترفع لباسك وأنت عرقان وقاعد بتقلي
دورة كيف تقح وأنت بتقلي ولا تشعر الزبون الملطوع قدامك
دورة عن كيفية التعامل مع زبون متسمم من المحل
التعليم : راسب في الابتدائية , الاعدادية والثانوية
معلومات شخصية : متزوج ، عدد الأولاد : سبعة ، الطول 165 الوزن 110 كيلو
الهوايات : تكنيس المحل , مشاهدة التلفزيون في المحل

ههههه... حلوة... شكرا خالد

شباب وصبايا الفكرة عجبتني تعو نتشارك بمحل فلافل غير شكل احسن من الدراسة ووجع الراس

مشكور خالد

هههه بس الشغلة بدا شهادات متل هالمعلم

كل شي بدو شهادات اوووووووووووووف

هههه يعني فينا نبلش بدون شهادات بس يعني بنطول لنوصل لهل المعلم لانو ماشالله خبرة بهش ذبان ومسح طاولات , سنتين خبرة جلي صحون , سنة خبرة تجهيز طاولات وتقديم طعام , خبرة لف ساندويشات فلافل , وكتييييير
"خبرة أراجيل لمدة ثلاث أيام معرفه تامة بجميع أنواع المعسل
دورة قلي كل أنواع المقالي وسلق كل أنواع الحبوب
دورة لف سندويشات عادية أو سوبر- عشر سندويشات بالدقيقة
دورة عمل حمص وفول بصحون 35 ، 50 ، 70 ليرة , وصحون من الدار
دورات متعددة متبل ، مسبحة ، شكشوكة
دورة تجهيز خلطة الفلافل والرمي على الصاج خمسين حبة أو أكثر بالدقيقة
دورة قلي فلافل بزيت جديد أو عتيق
دورة لقط الفلافل بالشوكة وفعصها بالسندويش
دورة تعامل مع زباين مش عاجبهم الأكل بدون صياح ومد أيدين
دورة عن تأثير عرق معلم الفلافل على الزيت
دورة كيف ترفع لباسك وأنت عرقان وقاعد بتقلي
دورة كيف تقح وأنت بتقلي ولا تشعر الزبون الملطوع قدامك
دورة عن كيفية التعامل مع زبون متسمم من المحل "
فيمكن بدنا دورات لتعليم لف السندويشات وقلي الفلافل

يعني شو وافئتيني الفكرة يا مون؟؟؟؟؟؟؟؟؟؟؟؟؟؟؟؟

يلا بس ماراح اشتغل غير تقديم الاراجيل ولف سندويشات منيح ولا لا؟وممكن كش دبان
شايفة تنازلت كتير وعملت شغلة تانية

DarK Mo0n كتب:يلا بس ماراح اشتغل غير تقديم الاراجيل ولف سندويشات منيح ولا لا؟وممكن كش دبان
شايفة تنازلت كتير وعملت شغلة تانية

طيب اوك وانا لح تكون شغلتي بأشرف عليكون وبحتسب اجري عند الله هههههههههههههههههههههههههههههههه

هههههه لا تنسي تجيبي خط للتلفون مشان الحكي وكمان مشان النت يعني
مشان يزبط الاشراف

اي اكييييييييييد هدول اهم شي بعدين لح يكون محلنا في تكنولوجيا يعني كل طاولة عليها كومبيوتر ونت والزبون بيبعت الطلبات علمنتدى فلذلك منطلب من الاستاذ وسام وضع منتدى للفلافل وله جزيل الشكر

هههههههههه ....اي شو هاد
كانو كافيه نت وبداخلو محل فلافل
واسم الكافيه
"futurestars10"
هههههههه..وحلوة فكرة منتدى الفلافل
ونحنا عم نستنى الموافقة

اووووووووووووووووووووووووووووووووووووك

وان موافقة وشغلتي بفوت بلعب الولاد جوا مشان يرتاح راس الام والاب شو رأيكن
ههههههه

هههه بتفيدي كتييييييير

شايفي اديشني منيحة

خلص بس المشكلة ما طلعت من عنا الموقع المستضيف ahlamontada صاير في غلط و ما عم احسن نزل منتديات جداد حشوف شو بصير معي
وأول ما يمشي الحال أحلى منتدى فلافل لعيونكن ولو هاد واجبنا بس شرط
بدي صندويش ببلاش مدى الحياة شو ؟؟؟؟؟

wissam كتب:خلص بس المشكلة ما طلعت من عنا الموقع المستضيف ahlamontada صاير في غلط و ما عم احسن نزل منتديات جداد حشوف شو بصير معي
وأول ما يمشي الحال أحلى منتدى فلافل لعيونكن ولو هاد واجبنا بس شرط
بدي صندويش ببلاش مدى الحياة شو ؟؟؟؟؟

هههههههههههههه اي مو تكرم

ليكوا عجبتني فكرت انو صير ملعبة اطفال
بس لازمني ادوات مشان لعبون يعني اذا ما في احراج
هههههه
لح اكتب كلشي بدي يا
1- لكل ولد لابتوب
2- لكل ولد لعبة
3- لكل ولد شنتايت طاباط
4- لكل ولد نطويطة
5- لكل ولد مرجوحة
6- لكل ولد زحليتا





ولا تنسوا لابتوب خاص الي

هههههههههههههههههه

ولو ي شام مو تكرم عيونك أول ما نفتح المطن بيحضرو لعندك شو كم شام عنا
هو الحئيئة في تنين وحدة عايشين فيا وحدة عايشة معنا

wissam كتب:
هو الحئيئة في تنين وحدة عايشين فيا وحدة عايشة معنا

هههههه حلوة هي ....عجبتني

بصراحة مشروع حلو كتيير...
خلص معناتها منفتح محل فلافل ولح نساوي فيه مدينة ملاهي وكافي نت وسينما كمان...
يعني عصري بكل معنى الكلمة
اي بس ليكو بدنا نتفق من هلأ أنو أنا بس بشتغل عالصندوق ، أوكي؟!
ومشان شهادات الفلافل فلا تاكلوا هم....أنا بدبرها

ههههههههه طيب خلص اوك بس بتعرفو انتو عم تقرروا كأنكون اعدين على بنك يخزي العين

ههههههههه طيب خلص اوك بس بتعرفو انتو عم تقرروا كأنكون اعدين على بنك يخزي العين

فيا وجهة نظر أصة البنك هي
جد صار لازمنا بنك لنفتح مطعم فلافل

اي وانا هيك عم ئول بس برأيي وسام بما انك انت المدير فأنت يلي لح تدفع مو هيك شباب؟؟؟؟؟؟؟

او اذا بدك تشارك انت والاستاذ عقلة