ترجمة بعض التعابير الشامية

شاضومة
تعبير مؤنث لا مذكر له يفيد كون المرأة غير مرتبة وليست من الأكابر وتحب الكلام غير المنمق وكثرته

· شرنه
(إنظر الشرح في تفسير مصطلح شاضومه )

· ملحو على ديلو
يعني لا يقيم وزناً للعشرة والخبز والملح

· يلي ببلي بالك
كناية عن أمر يتعذر ذكره
That’s on my mined and yours

· معصمص
نحيل بارز العظام صغيرها

· يا إيدكم!
تعبير عن الهرب من شيء ما بسرعة

· زمق
أي هرب ببراعة وحذق، وزمط شرحو

· سرّي مرّي
أي جيئة وذهاباً بشكل متكرر إلى حد الغلاظة وتتبعها أحياناً أو تنوب عنها (خدني جيتك) و(كيلي ميلي) (رايح جاي) وتشبه بمثل (متل الخنفسة بالطاسة)

· حط بالخرج
أي لا تعبأ بما يقال او لا اهمية للموضوع
Put in your bag


· على قفا مين يشيل
كناية عن كثرة الشيء وشيوعه و(قابر القنى) مثلها

· مأنّف
يعني لا يعجبه العجب ولا الصيام برجب

· فش نيعو
يعني انتقم منه شر انتقام وهي بالحلبي: يفشر حنكو
Break his jaw

· أزّت نفسو
أي نفر من الشيء نفوراً كأنه رأى صرصوراً

· جفص
صفة للجلف غليظ الروح

· حنتر
أي "تيّس" و"بوزم" في الوقت نفسه

· طلع من عيونو عامص
يعني دفع ثمناً غالياً وندم على ما نال

· كل طلقة براحة
أي يقوم بالشيء رويداً رويداً بين الفينة والأخرى

· يلي بدو يموت يوصّيك بولادو
ذم بصيغة المدح يعني أن المذكور غير أهل لحمل
المسؤولية

· على كراريت حلقو
يعني مصاب بغثيان شديد وإقياء لا يستطيع كبحه لا بحلال ولا بحرام

· لا تكرّك عليه
يعني لا تلح عليه إصراراً

· قلبه عميقول حق بق (كما قلنا أن القاف تقرأ ء)
يعني أنه يريد أمراً بشدّة لكنه يضمره إضماراً ولا يظهره إظهاراً بالمشرمحي عيني في وتفو عليه

· لحم السير عالقبقاب وصاروا المبغضين صحاب
مبينه وما بدها شرح

· يلي بيجي منمدلّه فرشة ويلي ما بيجي منرتاح من وشه
مثل نسائي بحت يفيد عدم الترحيب بأشخاص معينين ما عم يجوا أصلاً

· شو هالتجرة
يعني الأفندي ما عجبته هالحكاية كلها وحاسس إنو تعبو ذهب سدى أو أدراج الرياح

· وحياة خالقك ماني مفارقك
تعبير يفيد غلاظة المتكلم وتغالظه على المتكلم عنه ويتبعه عادة: مو محبة فيك بس بدي دايئك for your god's sake I am not gonna leave you alone


· العين الطرّاءة
عبارة عن التمسخر على المتكلم عنه وأن لا شيء فيه بينحسد عليه
The eye beat you


· بيقطش وبيلحش
يعني المهذار كثير الهفوات ومن يهرف بما لا يعرف ولسانه يسبق عقله
he cuts from here and throws there

· ولي على كسرتو
تعبير يفيد التحسّر على شخص ما مع لومه على ما فعل (في تناقض، مهيك؟)

· كـــــــن
بكسر الكاف وتسكين النون يعني اهدأ أحسنلك يعني يا بتقعد يا بفش حنكك (لمعنى فش حنكك ابحث في الاعلى)

· كروج
يعني درمل، وبتعبير أفصح افرنقع من هنا، وادحال مثلها ويعبر عنها احيانا (ورجيني عرض اكتافك)

· فــز
كمان بكسر الفاء يعني قوم (أوقف وانت بتكلمني)

· جماش
أي همجٌ رعاع مستجحشون

· مصطهج
يعني مسلطن، مكيّف، مبسوط أو بالمشرمحي محشش

· أفّّعت معو
يعني حمل القشة التي قصمت ظهر البعير وبلغ السيل الذبى

· مو نفعان لا للخل ولا للخردل
يعني بلا فائدة تذكر، وأحياناً بقولو من نافع لألله بنافعة

· لاطيلو
يعني كمن له منتظراً ومنها المتل القائل: "قلّو لاطيلك قلّو صاحيلك" يعني هدول تنين ناويين عالشر لبعض وكل واحد منتبه للتاني بس بدون كبريته ليشعلو

· ادفشو وشوف ما أجحشو
لا تحتاج للشرح، شرحها منها وفيها
push him and find out how yak he is

· ما فيه الوتكة
يعني صاغ سليم خالي من العيوب وأحياناً يعني فاضي

· ما معو نكله
مفلّس وحالو عدم واحيانا يقال ما بيسوا قرش

· أول باشتان.....ثاني باشتان
طريقة النسوان في تعداد الأمور والأوامر والأسباب والمسببات

· بظّت عيونو
يعني جحظت العينان حتى كادت المقلتان تخرجان من محجريهما (على طريقة الجاحظ)
his Eye was bleeding


· سك
حقيبة تقليدية تصنع من قماش (مستعمل عادة) تستعمل للتسوق وخصوصاً من سوق الجمعة

· نازل عالمدينة (أو رايح عالشام)
يعني رايح عالسوق التحتاني


· خسكار
كمية من العمل المقرر ليوم واحد أو بضاعة معدّة للبيع ضمن اليوم

· من دهنو سئّيلو
تعبير يفيد الكحتنة والجرب وصرف النقود على الشخص أو الشيء بعد أخذها منه دون التكلف عليه بقرش

· ما صرلو بالأصر إلا مبارح العصر
يعني أنه جديد على أمر ما وغرّ فيه ومو عرفان الخمسة من الطمسة

· ولاد آدو
يعني المشكلجية والعونطجية وولادين الحرام (يالطيف الله يبعدون عنا وعنكن أولو آمين)

· سبرتاكو
القطعة الصغيرة التي تكون مسمّرة في كعب الكندرة النسائية من الأسفل (وبتطلع عند أول لبسة بالكنادر الوطنية)

· قراضة
يعني نوع عاشر، شي تعبان بنوب (متل الكنادر المذكورة آنفاً والمسمّاة عند البعض: بضاعة لا حول)

· متمسح
يعني واحد متبلد المشاعر والأحاسيس متل التمساح بفرد شكل (وبمعنى آخر: لا الحر بحرّو ولا البرد بضرّو)

· كل ما حدو بيت السلطان خيلهن بتمد الخنفسة رجلها
مثل شعبي يقال كناية لمن يحب الاشتراك دوماً في أمور لا ناقة له فيها ولا جمل، ولا فهم ولا علم له بها وهو يعتقد أن له ما للآخرين

· اندفس
أي: نام أحسنلك، انقبر

· تكورت
متل تدولق، فعل يفيد تناول الطعام، وتزهرم مثله أيضاً واحيانا عند زيادة مستوى العصبية تستعمل اتسمم

· من بيت شقاع لبيت رقاع (وهي تقرأ كالعادة: من بيت شآع لبيت رآع)
تعبير نسواني عن المرأة الشطاطة النطاطة التي تنتقل من بيت لآخر ولو بالشحاطة

· عم يحاسب القاضي
أي يقوم بقضاء حاجته في بيت الخلاء

· يلي ببالك منو
كناية عن أمر يتعذّر ذكره لأسباب عديدة

· انطمز
أي انزعج وبوزم وقلب خلقتو وحنتر وماعد تحاكا (لمعنى حنتى ابحث فوق)

· مطهمز
أي مطأطأ أو مطأطئ الرأس

· طمبرو (جديد جداً )
أي خورفو وهي بالمعنى الحرفي ركبلو طمبر وفهمكم كفاية
Make him a Donkey and ride it


· شامم ريحه كرهه
تطلق على المتكبر يلي رافع مخاره وقالب وجهه

· آكل كم بحالو
انظر تفسير شامم ريحه كرهه

· خود منّي
إنهاء للنقاش ودعوة الطرف الآخر للثقة بما يقول المتكلم دون نقاش. مع انو دائما بيطلع غلط

· دواليب الجنة
مصطلح جديد للفلافل ومحاولة لرفع شأن هذه الأكلة الشعبية

· عليّي ما عليّي
قسم يريد به المتكلم أن يحلف بالطلاق ولكن سمع أنو هذا لا يجوز فبطلها واستعاض عنها بهذه العبارة.

· سم الكرّاتي
تقال عندما يكثر الطرف الآخر من الأكل.

· فجعان
أي الحالوش أو الشره
More than eating


· مكلولك
أي اللألوء الذي يحب تمسيح الجوخ.

· كعي في
يعني كثير ألح وأصر عليه ولكن الطرف الآخر يرفض

· طرفنده
تعبير مؤنث يدل على أنه شيء جميل جداً ومميز
Beautiful and distinctive

(بدك الصحيح والا ابن عمه). مقدمة لكذبة من الحجم العائلي




(شو بدك بطول السيرة) . جملة محشورة داخل قصة يزيد عدد كلماتها عن 100000000كلمة




(وماشفنالك إلا ..) ... يعني موسيقى تصويرية قوتها 7.9 على مقياس ريختر لقصة سخيفة
(وما كذبت خبر ).عبارة لنفش العضلات وبداية لكذبة ورسم بطولات ما حصلت إلا بالخيال
(انت لسا ما بتعرفني) .تقال عندما يشعر المتكلم انه تبهدل وانمسحت بكرامته الارض
(الله يستر عليها) . تقال بعد نهاية كل قصة تم فيها نشر غسيل جميع بنات الحارة وصديقات بنات الحارة
(إشتهيناك تكون معنا) . تقال لحرق أعصاب المستمع واذلال شعوره
( لا تواخذني بهالكلمة) .مصطلح يهيؤك نفسيا لسماع مسبّة ولكن بطريقة مؤدبة
(أنا والله مو فارئة معي) .تدل على اهتمام المتكلم حتى الموت بالموضوع
(سيدي ما علينا). نهاية الحديث البايخ الذي كان يتكلم فيه على غيره بما لا يخصه
(عيّن خير). بعبارة أخرى ....انسى الموضوع
(لا يروح فكرك لبعيد) . يعني طنّش عن كل البلاوي اللي خبرتك عليها
(والله لو عرفان ما كنت تركتك) . عبارة لتسفئو منّيّة ببلاش فوء الكمّ اللي أكلو

هههههه حلووووووووو
بس هاد الحكي قدم شوي معد حدا حكاه كتير

حلووووين بيضحكوا

هههههههه .. كتير حلوين .. مشكورة ريم ....

العفو شكرا لمروركون جميعا
كنان,هيا,مجد

لا بس عنجد كتير حلوين هههههههه

مشكورة مون

اهلين وسام
شكرا لمرورك

Kenan كتب:لا بس عنجد كتير حلوين هههههههه

ههههههه اقراهون كل يوم لكن

انا استفدت كثير شكرا يا احلى ريم لان كل يلي اعرفون شاميين

اهلين شهودة

شكرا لمرورك

يلا بعد كم يوم خلينا نحطلون مفردات عراقية

والله شي حلو تاعبير شامية حلوين بس نصن انا بقلون

شكرا لمرورك شام

شكرااااااااااااااااااااااااااااااااا

اهلين نور
شكراااااااااااا لمرورك

اهلين