الفرق بين البنات والشباب

بداية الحوار



سارة : متى أسيتي شعرك !! والله طالع بجنن !

ريما: هيك رأيك ؟ بس حاسا مو حلو

ساره : لا والله .. طالع يجنن ، وانا بدي بنفس التسريحة بس بحس انو وجهي مليان شوي ومابتزبت معي هالتسريحة ، وبشوف انو ما بتمشي مع ها الشكل الا هالتسريحة اللي بتشوفيني دايما فيها

ريما : انتي غلطانه !! انا شايفه ان وجهك حلو ، وبتمشي معو كل التسريحات وبتطلعي احلى واحلى ، مش زيي .. ما بأدر اختار الا تسريحات معينة تخلي الناس ما ينتبهو لرأبتي اللي زي رأبة الزرافة .



ساره : شو هالكلاااام .. والله رأبتك حلوه وياريت رأبتي مثلها عشان تصرف النظر عن كتافي اللي كنها كتاف لعيبة الفوت بول الامريكية

ريما : أسكتي ياهبله ، والله كل البنات اللي بعرفهن في الجامعة بتمنوا كتاف زي كتافك ، يعني ما بتحتاري لما تشتري اواعي جديدة .. ياحسرة علي انا .. شوفي إيدي شو صغار .. لو إلي كتاف زي كتافك كان ما بتبهدل لما اشتري أواعي جديدة وبتطلع قياساتها مزبوتة !

انتهى الحوار

------------ --------- --------- -----


بالنسبة للشباب :

بداية الحوار:

محمد :شو قصيت شعرك ؟
خالد: اه قصيتو.


انتهى الحوار

ههه .. اي ما كتير حلوين البنات يلي بيحكو كتيير .. اختصار القصة أحسن متل الشباب .. بس منيح يلي قلو أنو قصيت شعرك ..

Majd كتب:ههه .. اي ما كتير حلوين البنات يلي بيحكو كتيير .. اختصار القصة أحسن متل الشباب .. بس منيح يلي قلو أنو قصيت شعرك ..

بس والله يا مجد البنات هيك نحن منحكي كتير مو بأيدنا صح كتر خيره انو سأله

اي ... يلا أنا متوعد على الحكي الكتيير ... لأنو رفقاتي البنات بيلعو بلا طعمة ورفقاتي الشباب بيلعوا اكتر .. وانا الساكت الوحيد بيناتن .. هه

Majd كتب:اي ... يلا أنا متوعد على الحكي الكتيير ... لأنو رفقاتي البنات بيلعو بلا طعمة ورفقاتي الشباب بيلعوا اكتر .. وانا الساكت الوحيد بيناتن .. هه

له يامجد مو حلوة منك هي يعني نحن حكينا بلا طعمة

لك لأ مو قصدي ... بس على المجموعة هديكي قصدي بيحكوا بلا طعمة .. بس مو كلن في بنات ما بتحكي إلا درر ...

Majd كتب:لك لأ مو قصدي ... بس على المجموعة هديكي قصدي بيحكوا بلا طعمة .. بس مو كلن في بنات ما بتحكي إلا درر ...

ايوه مجد هاد كلام

منيح اللي سالوا نحن لما نشوف شب يحكي كتير من الصبح نازل لعي نقله شبك متل النسوان مبقا تسكت وجعنا راسنا

نور الدين الشماع كتب:منيح اللي سالوا نحن لما نشوف شب يحكي كتير من الصبح نازل لعي نقله شبك متل النسوان مبقا تسكت وجعنا راسنا

بشكر مرورك

هيك نحنا الشباب من زمان وازنين

Kenan كتب:هيك نحنا الشباب من زمان وازنين

اي يجزي العين عنكون

وازنين إيه معك حق كتير وازنين عنجد يخزي العين يا وازن

paso كتب:وازنين إيه معك حق كتير وازنين عنجد يخزي العين يا وازن

والله بصراحة ياشباب لازم تحطوا خرزة زرئة مو مشان شي بس مشان ما تنحسدوا

موهيك باسكال

له له صار في معارك بين حضرتنا (الشباب) وانتو (البنات)
هلأ صحي انتو بتحكو كتير بس صوتكن اغلب الأحيان حلو وانا شخصيا بحب اسمع اكتر ما احكي
بس خير الكلام ما قل ودل وصحي نحن ما منحكي غير المهم وهاد صحيح

والله بصراحة ياشباب لازم تحطوا خرزة زرئة مو مشان شي بس مشان ما تنحسدوا

موهيك باسكال

بس الأصة مالا علاقة بالوزان و بالمناسبة شكرا ع الخرزة الزرقة
علأت وحدة عباب غرفتي
والله انتو باينتكن كتير متأثرين بأصة الوزان مع انو هاد طبع
مثلا مثلا يعني انا ما بحب حركات الوزان وكتير صريح وبفوت بدون مقدمات بس كتير عالم بأولو اني وازن بس انا ما بحس حالي هيك
بس ملاحظة جد انا وازن ههههه

وسام بدك تعتمد وازن ولا لاء

لكن باسو بعجبك وازن

Kenan كتب:لكن باسو بعجبك وازن

والله يا كنان انت بالذات بدك خرزة زرئة ضروووووووري

تسلميلي هيوش انت اكتر وحدي بتعرفي بدي خرزي

Kenan كتب:تسلميلي هيوش انت اكتر وحدي بتعرفي بدي خرزي

اي يخزي العين عنك الله يحميك لأهلك شو وازن

بدك الصراحة ومع كل تواضع الوزان عندي هو بأكابرية واحترام واني ما بسمح لحدا يتمادى وما بميع وبمشي وراسي بالسما ومو شايف حدا تقريبا
بس أصص البنات يعني فيكي تأولي تئيل بس مو كتير كتير بالحد المعأول

wissam كتب:بدك الصراحة ومع كل تواضع الوزان عندي هو بأكابرية واحترام واني ما بسمح لحدا يتمادى وما بميع وبمشي وراسي بالسما ومو شايف حدا تقريبا
بس أصص البنات يعني فيكي تأولي تئيل بس مو كتير كتير بالحد المعأول

برابو هيك بدياك

برابو هيك بدياك

حاضر انا حضل هيك حتى تغيري رأيك هههههه