ميزات بعض الشباب السورييين((لاتزعلوا مجرد مزحة))

--------------------------------------------------------------------------------

ميزات الشب السوري


1- بيحب يلبس نظارة شمسية سوداء حصراً ويفضل من النوع العاكس منشان يعمل روزة ويطلع على الناس بدون ما يشوفوا لوين عميطلع


2-بيحب يطلع قدام الشوفير( جنبه) بالسرفيس و يحجز مقعدين ويرجع إيدو لورا والإيد التانية برا الشباك




3-بيفكر بالطلعة برات البلد منذ نعومة أظفاره حسب الترتيب التنازلي التالي: أمريكا- أوروبا – الخليج – لبنان سابقا. وإذا فشل مع تقدم الزمن بيقرر ينتقل للشام العاصمة أحسن من بلا.

4- بيحب يكتب ذكريات على الحيطان و مقاعد السرافيس


5_ إذا مزاجو معكر ومو جاي عبالو يعيد بالعيد بيتذكر أنو ستو لصهر ابن خالة مرتو توفيت من 9 أشهر وبخبر الناس أنو حزنان هالعيد
6- سيارتهم المفضلة مرسيدس حتى لو كان موديلها 1800

7- بيخلق وبيحب يكون دكتور سبحان الله هيك لحالو ما حدا بيوجهو لا أهلو ولا المجتمع بالفطرة يعني

8- بنظر أهلو كان الأول على صفو دائماً وكل مذاكراتو عشرات بس بتتفاجئ أنو تارك المدرسة بدون ما ياخد كفاءة

9- إذا وصل للبكالوريا بيقرر أنو بدو يعيدها من بداية العام الدراسي وبيتأكد هالقرار ليلة فحص أول مادة

10- بيقتل حالو حتى يطلعلو طب بعد البكالوريا ولما يصير بالكلية وبيشوف الطريق طويل بيلعن أبو الساعة اللي انقبل فيها أما إذا ما انقبل طب بيضل طول عمرو يشكي ويبكي ويندب حظو وبيعتقد أنو سوريا خسرت طبيب فذ بعدم قبوله

11- بشكل فطري ومن السنة الأولى بيرغب بإختصاص الجراحة العصبية ليش ما حدا بيعرف؟

12- بكلية الطب بيقضيها سري مري بين الصيدلة والآداب وشرطكن بيضل حامل المريول الأصفر اللي كان لونو أبيض بإيدو رغم أنو ما عندو عملي( دكتور يا بعدي)



ومن المميزات كمان انو هو هلأ عم يقرا ويضحك وكإنو مو هو المعني بالرسالة


مع احترامي الكون مجرد مزحة مو اكتر

هيك زودتيها كتير شرشحتي شباب سوريا كإنون ما بينفعو بالمرة مزحة تقيلة كتير

الحق معك هيا شكرا كتير عنجد هي حقيقتكون ليش ما عم تتقبلوا

cat girl كتب:الحق معك هيا شكرا كتير عنجد هي حقيقتكون ليش ما عم تتقبلوا

نقبلها على أساس أنها مزحة ولكن عندما تعتقدون أنها حقيقة يا CatGirl فإنها ليست واقعية أبداً وليست حقيقة فلذلك لا نتقبل منك هذا الكلام...
وشكراً...